জয়ন্ত দাস
জীৱন বাটৰ
ভুল নির্দেশনা এটাৰে গৈ গৈ
প্ৰৱেশ কৰিলোঁ এখন অটব্য অৰণ্যত
লোলুপ দৃষ্টিৰে
মোৰ চাৰিওফালে থিয় দি আছে
হিংস্র জন্তুবোৰ
চকুৰে মণিব পৰালৈকে কেৱল
অসংখ্য কীট-পতংগ
জোক, বিছা, মকৰা ইত্যাদি
বুকুখন এবাৰ চুই চায়
জীৱনটো কোনোমতে হাতৰ মুঠিত লৈ
দুচকু মুদি দিলোঁ মুহূৰ্তৰ কাৰণে
লাহে লাহে মই অন্ধ হৈ পৰিলো
এচমকা পোহৰ বিচাৰি যোৱা চৰাইজাক
উভতি আহিল নে নাই
মই গম নাপালোঁ।