ৰবীন কুলি
কালিৰ কপৌ হত্যাকাৰীসকল যেন
আজি শ্মশানত থাকক
কাইলৈ তাত ফুল ফুলক
কপৌবোৰে আহি তাতেই সুৰীয়া গীত জোৰক
দিনবোৰ তেনেকৈ আহক
নতুনবোৰ তেনেকৈ আহক
কালিৰ পৰ আজি আপোন হওক
ঘৃণাবোৰ মৰম হওক
মানৱতাৰ ঢৌত উঠি বাহি যাওক অমানৱতা
দিনবোৰ তেনেকৈ আহক
নতুনবোৰ তেনেকৈ আহক
নিৰাশা ভেদি আশাৰ পোহৰ আহক
‘কাইলৈ’ যেন অপেক্ষাৰ নহওক
জীৱন্ত হৈ উঠক “আজি”
যাৰ অন্তৰ মণি-মুকুতাৰে ভৰা তেওঁলোক অতীত নহওক
যাৰ আছে ধন তেওঁলোক নিৰ্ধনী নহওক
দিনবোৰ তেনেকৈ পুৰণি হওক
নতুনবোৰ তেনেকৈ আহক
More Poem