সামৰিক বাহিনীৰ লগতে পাৰমাণৱিক অস্ত্র বিভাগক সাজু থাকিবলৈ নিৰ্দেশ কিম জং উনৰ
উত্তৰ কোৰিয়াৰ সৰ্বোচ্চ নেতা কিম জং উনে তেওঁৰ দেশখনৰ সামৰিক বাহিনী, যুদ্ধাস্ত্ৰ তথা পাৰমাণৱিক অস্ত্র বিভাগক যুদ্ধৰ প্রস্তুতি ত্বৰান্বিত কৰিবলৈ নিৰ্দেশ দিছে।
এই পদক্ষেপক তেওঁ আমেৰিকাৰ “নজিৰবিহীন সংঘাতমূলক পদক্ষেপৰ প্ৰত্যুত্তৰ’ বুলি অভিহিত কৰিছে।
উল্লেখ্য যে বৃহস্পতিবাৰে দেশখনৰ ক্ষমতাসীন ৱাকাৰ্ছ পাৰ্টীৰ এক সন্মিলনত ভাষণ দিয়ে।
উক্ত বৈঠকতে তেওঁ সামৰিক বাহিনী, অস্ত্ৰ ভাণ্ডাৰ আৰু আনকি পাৰমাণৱিক অস্ত্ৰ বিভাগক যিকোনো মুহূৰ্তৰ যুদ্ধৰ বাবে সাজু থাকিবলৈ নির্দেশ দিয়ে।
সন্মিলনখনত দিয়া ভাষণত কিমে লগতে কয় যে আমেৰিকাৰ বিদ্বেষী মনোভাৱ আৰু দ্বন্দ্বৰ বাবেই উত্তৰ কোৰিয়াৰ সামৰিক পৰিস্থিতি ‘চৰম’ হৈ উঠিছে। যাৰ বাবে যুদ্ধ পৰিস্থিতিৰ বাবে সাজু থাকিবলগীয়া হৈছে।