গুনা, ২৬ ডিচেম্বৰঃ মধ্য প্ৰদেশৰ গুনাত মঙলবাৰে পুৱা সংঘটিত হয় এটা শোকাৱহ দুর্ঘটনা।
প্রচণ্ড ঠাণ্ডা আৰু কুঁৱলীয়ে ঢকা ৰাষ্ট্ৰীয় ঘাইপথত সামগ্ৰীভর্তি এখন ট্রাকে অভাৰটেক কৰিবলৈ লওঁতেই নিয়ন্ত্ৰণ হেৰুৱাই এখন সৰু গাড়ীৰ ওপৰতে বাগৰি পৰাৰ ফলত গাড়ীত থকা চাৰিজন লোকে প্ৰাণ হেৰুৱায় আৰু দুজন আহত হয়।
এই লোককেইজন আছিল এটা পৰিয়ালৰে। যাৰ ফলত পৰিয়ালটোত গভীৰ শোকৰ ছাঁ পৰিছে।
গুৰুতৰভাৱে আহত লোকজনক চিকিৎসালয়ত ভর্তি কৰোৱা হৈছে। এই পৰিয়ালটো আছিল ৰাজগড় জিলাৰ।
তেওঁলোকে নিজৰ গাড়ীৰে এফালে গৈ আছিল। কিন্তু গুনা জিলাৰ গাধাৰ ৪৬ নং ৰাষ্ট্ৰীয় ঘাইপথত শোকাৱহ দুৰ্ঘটনাটোৰ সন্মুখীন হয়। নিহত চাৰিজন হৈছে পতি-পত্নী আৰু তেওঁলোকৰ দুই কন্যা সন্তান।