সাধাৰণতে ভোগালীৰ সময়ত পিঠা-পনাত তিল দি আমি খাওঁ। তিল অর্থাৎ ক’লা তিল স্বাস্থ্যৰ বাবে অতি উপকাৰী।
শীতকালত শৰীৰৰ ৰোগ প্ৰতিৰোধ ক্ষমতা বৃদ্ধি কৰাৰ বাবে তিল খাব পাৰে। স্বাস্থ্য বিশেষজ্ঞসকলে এই কথা প্ৰকাশ কৰিছে।
তিলত ফাইবাৰ, লো, কেলচিয়ামৰ লগতে শৰীৰৰ বাবে উপকাৰী চর্বি তথা এণ্টিঅক্সিডেণ্টৰ দৰে পোষক দ্ৰব্য আছে।
এইবিলাকে শৰীৰৰ ৰোগ প্ৰতিৰোধ ক্ষমতা বৃদ্ধি কৰে। স্বাস্থ্য বিশেষজ্ঞসকলৰ মতে, শীতকালত প্ৰটিন, ফাইবাৰ আৰু ভিটামিনেৰে ভৰপূৰ তিল খালে শৰীৰে শক্তি লাভ কৰে।
যিসকল লোকে শীতকালত আলস্য আৰু দুৰ্বল অনুভৱ কৰে তেওঁলোকৰ কাৰণে তিল উপকাৰী। ক’লা তিলত কেলচিয়াম, মেগনেচিয়ামৰ লগতে ফছফৰাছ থাকে — যিয়ে হাড় শক্তিশালী কৰাত সহায় কৰে।
শীতকালত তিল খালে শৰীৰক ভিতৰৰ পৰা গৰম কৰি ৰাখে। ইয়াৰ লগতে পাচন শক্তি বৃদ্ধি কৰাতো তিলে সহায় কৰে। যিসকলে শৰীৰৰ ওজন কমাব খোজে, তেওঁলোকেও তিল খাব পাৰে।